'नेपालले जुन दिन ओडिआई मान्यता पायो, मेरो आखाबाट आसु झरेको थियो' : अमृत भट्टराई
क्रीकेटिङ्ग नेपाल     २०७६-०८-२८

राष्ट्रिय क्रिकेट टोलीका पुर्व बायाँ हाते तिब्र गतिका बलर अमृत भट्टराई चार बर्षपछि नेपाली घरेलु क्रिकेटमा देखिदैछन् ।

सन् २०१५ देखि अष्ट्रेलियामा बस्दै आइरहेका अमृत तास्मानियको होबार्टमै ग्रेड क्रिकेट खेलिरहेका छन् । क्रिकेट खेल्न भनेर नै अमृत पोखरा प्रिमियर लिगमा सहभागिता जनाउनका लागि यसपटक नेपाल आएका हुन् ।

नेपालले बिश्व क्रिकेटमा छलाँग मादै ट्वान्टी ट्वान्टी बिश्वकप प्रवेश गर्दा अमृत टिमको प्रमुख सदस्य रहेका थिए ।

पोखरा प्रिमियर लिगमा काठमाडौं गोल्डेन वारियर्सका लागि उद्घाटन खेलमा डिफेण्डिङ्ग च्याम्पियन पोखरा पल्टनबिरुद्ध खेल्नुअघि अमृतले क्रिकेटिङ्गनेपालसँगको अन्तर्वातामा चार बर्ष अष्ट्रेलियामा हुँदा सबैभन्दा बढी नेपाली क्रिकेटलाई नै मिस गरेको बताएका छन् ।

जब नेपालले ओडिआई मान्यता पायो त्यो दिन मेरो आखाबाट आशु झरेको थियो । ओडिआई राष्ट्र बन्नु हामी सबैको सपना थियो र यो कहिले पनि सहज थिएन । यसका लागि राष्ट्रिय टोलीमा रहेका सिनियर खेलाडी र नयाँ आएका जुनियर खेलाडीहरुले पनि धेरै मिहिनेत गरेका छन्, अमृत भन्छन् ।

करणले खेलेको त्यो इनिङ्गस साच्चिकै उत्कृष्ट थियो । मैले करणलाई वान म्यान आर्मी भन्दै फेसबुकमा स्ट्याटस पनि लेखे । टिमका साथीहरुलाई मेसेज पनि पठाए, उत्साहित अमृतले सम्झिए ।

अमृतसँग गरिएको अन्तर्वार्ता