मेरो बिचारमा नेपाली टोलीमा अझै पनि ठाँउ खाली छः सुबास खकुरेल
क्रीकेटिङ्ग नेपाल     २०७६-०८-२८

राष्ट्रिय क्रिकेट टोलीका पुर्व ओपनिङ्ग ब्याट्स्म्यान सुबास खकुरेल १८ महिनापछि नेपालको घरेलु क्रिकेटमा पुनरागमन गर्न गइरहेका छन् । २०७४ को प्रधानमन्त्री कप एकदिवसीय राष्ट्रिय क्रिकेट प्रतियोगितामा एपिएफका लागि खेले यता घरेलु क्रिकेटमा देखिएका थिएनन् ।

आइतबार पोखर प्रिमियर लिग शुरु हुँदा सुबास डिफेन्डिङ्ग च्याम्पियन पोखर पल्टनबिरुद्ध उत्रदै काठमाडौं गोल्डेन वारियर्सका लागि खेल्नेछन् । नेपाली टोलीका लागि सेप्टेम्बर, २०१८ मा एसिसि एसिया कपमा सहभागिता जनाएका सुबास एकपटक फेरि नेपाली जर्सी लगाएर उत्रन चाहन्छन् ।

नेपाली टोलीमा पछिल्लो समय अन्तिम ११ मै पर्नका लागि प्रतिस्पर्धा तिब्र रहेपनि स्थान खाली रहेको बताउछन् । सुबास अब पिपिएलबाटै राम्रो गर्दै एउटा राम्रो आधार बनाउन चाहन्छन् ।

पोखरा प्रिमियर लिग शुरु हुनुअघि सुबासले क्रिकेटबाट आफू बाहिर रहँदाको परिस्थिति, घरेलु क्रिकेट र आफ्नो आगामी योजनाबारे क्रिकेटिङ्गनेपालसँग खुलाएका थिए । हेरौं यो भिडियो अन्तर्वार्ता